jueves, 27 de septiembre de 2012

son (de E. Jartillo)

sonius son,
sonete de son,
que suena,
e suenia,
suenia,
suenia...

Suenios e sospiros
sopuestos...
me suposo...

Recomendazions

As planas d´o Ligallo e a suya botiga.





- http://abotiga.com Primer web de bendas an que se puede mercar de raso en
aragonés.

- http://abotiga.wordpress.com/ O blog d´a botiga

- http://fablans.org/zaragoza/ web de l'asoziazión

Espezialmén por A Botiga, en Fablans Zaragoza entendemos que no puede haber
cultura en aragonés si no esiste un mercau en aragonés. Por ixo, A Botiga
fesica y birtual preban de contribuyir á desembolicar ixe mercau d'una traza
seria como contribuzión á la normalidá de a nuestra lengua.

Fuente: Chan Baos

L´aragonés tamién en o "Slam Poetry Zaragoza"




Ayere en "La Campana de los Perdidos" -Zaragoza- estié o III Slam Poetry de Zaragoza.

O poeta Víctor Guíu rezentó bel poema n´aragonés pa ra sorpresa de toz. O intresán estié que cuacó muito a ra chen.

Como diz o mío amigo David Giménez: "o importan ye partizipar, pero més importán ye fer bella cosa o primero". Así estié ayer con ixe poema en o Slam. A mirar si en os beniéns tenemos a suerte de ascuitar més poemas.

Atro chiquet pasico ta que se beiga que en a nuestra lengua ye posible fer cualsiquier cosa.

martes, 25 de septiembre de 2012

LUSCOS N’A MIRADA (de Anchel Conte)

decidié de pillar astros con a boca e me trobé os tuyos labios universal firmamento
...
me i perdié trafucau entre tanta luminaria
estelas que volan nevasco que en tovos flocons cayeba en silencio borrando’l viero
resolví d’abracar boira con as mans e m’alcontré a suaveza d’a tuya piel polida isla virchen
tresbatiu i deixé que m’acaronasen uambras
abres de amorosos brazos que igual como liedrera m’acollaban en insondable misterio
conscientment ubrié udius t’ascuitare o remor de l’aire e me i entró lo tuyo calient aliento
capín de tanta musica que sin notas sonaba
me crexioron luscos n’a mirada reflexo d’as luces que de nueits tresminan d’ os tuyos uellos
..
te busqué ta dar-te a mía inaudible parola entre tanta polideza de mars selvas monts e planas
..
reblé no caleba garra busca perque en yo creixebas astro boira musica i yeras tot entero

Talmén (De Víctor Guíu)

Talmén,
me pienso tantismas begatas,
plegará un día que i tienga que dizir per                                 
qué diaples fue ta Uesca,
ta charrar aragonés,
u estudiar-lo ta amostrar-lo.

Talmén,
ixe día,
no me’n calga más que dixar de chugar a                               
estar presona importán,
escritor de bellas cosas sin de traza ni                                    
aprobeito dengún.

Talmén,
Manuel e os chiquez dizirán bel día esde-                                             
benidero:
“Iste Bítor puyaba ta Uesca.
Estudiaba ixo que deziban aragonés:”

Talmén,
güe lo i ferba, de nuebas,
ta cayer perén en o mismo cantal.

Talmén,
l’unico que fazié ixas tardadas fue meter                                
istas parolas que agora nimbío.
Parolas suabes e sinzeras,
como l’aimor que bos tiengo.
Como iste tozuelo mío,
que prexina que no soi gran,
ni chicotón,
sino que soi busatros.

Y solamén ombre que quiere estar ombre,
en un mundo de furos mostrugos.

domingo, 23 de septiembre de 2012

TU, LUZ E AUGUA (De Ánchel Conte)


tot o tiempo pasa e se mide per os tuyos uellos
toda la luz ye filtrada per a tuya parola
a musica terne que marca las horas
... s’amaga n’os tuyos puños que pretas
ta que no se’n fuiga garra nota
e entre que m’apercaza o suenio
o día iste que en calma acaba
esdevienga sinfonia de luz e augua
baixo monts e sobre praus acordada
que me bata e rinfle o peito
faiga coscas n’o esmo
e ás os brazos meta alas



(agradeximientos á Ánchel Conte per a suya colaborazión e aduya ta meter en marcha iste blog)

viernes, 21 de septiembre de 2012

Ya abemos logo






Muitismas grazias a nuestro gran amigo Pedro Mata. (podez trobar més en laeuropadelaborigen.wordpress.com)

martes, 18 de septiembre de 2012

Qué foi? (de Víctor Guíu)

Mesmo tenié zinco añadas.
O qué fas tu, chiquet,
encara en o bientre de mai?
qué fez, pues,
toz busatros;
binclos aspros con quí,
con qué,
cualsiquier inte con toz e con naide.

Asabelo biella,
asabelo polida,
asabelo emplida,
de qué.
De quí?

Si no somos ombres,
ni mullers,
sin macula,
prexino,
ni cosa.

PROPUESTA PARA IMPARTIR CURSOS DE ARAGONÉS

 
 

Fuente:
http://mestizo.blogia.com/2012/082801-propuesta-para-impartir-cursos-de-aragones.php


Diplomado en Filología Aragonesa (Diploma Específico de la Universidad de Zaragoza) se OFRECE para organizar e impartir cursos de Aragonés.
 Disponibilidad horaria, según grupos.

DIRIGIDO A:

Tod@s aquell@ ciudadan@s aragoneses o no, que estén interesados en conocer el aragonés como vehículo de comunicación, cultura y normalización de nuestra lengua.

  • Ayuntamientos (concejalías de área)
  • Asociaciones culturales
  • Aulas de Cultura
  • Biblioteca
  • Grupos de amigos
  • Colectivos culturales
  • Universidades Populares
  • Particulares (a domicilio)
  • Etc…

OBJETIVOS

-         Introducirse en la lengua aragonesa
-         Profundizar en la cultura aragonesa a través de su lengua.
-         Dignificar la cultura aragonesa a través de una de sus lenguas propias
-         Tratar el aragonés con seriedad y profesionalidad.
-         Adquirir competencias para aprender a aprender


PRESUPUESTO
 Presupuestos adaptados a la realidad de cada grupo o particular interesado.


MÁS INFORMACIÓN:

Víctor Manuel Guíu Aguilar
victorguiu@gmail.com
teléfono: 607971904

PRESENTAZIÓN EN ZARAGOZA DE DOS LIBROS EN ARAGONÉS

O dia 20 de setiembre, chuebes, a ras 20 oras, se ferá en a Librería Cálamo (Plaza de San Francisco, Zaragoza) a presentazión de dos d'as zagueras publicazions d'o Consello d'a Fabla Aragonesa: *200 escritors en aragonés en 200 Fuellas (1978-2010)* [edizión e triga de F. Nagore] e *Resoluzions e informes (2000-2011)*, d'o Consello Asesor de l'Aragonés.

Partiziparán en l'auto Chusé Inazio Nabarro, Presidén d'o Consello d'a Fabla Aragonesa, e Francho Nagore, encargato de publicazions.

Quedaz toz combidatos.

Fuente: Consello d´a Fabla Aragonesa

DIPLOMA D'ESPEZIALIZAZIÓN EN FILOLOCHÍA ARAGONESA



Iste curso 2012-2013 se fa a segunda edizión d'o Diploma d'Espezializazión en Filolochía Aragonesa, tetulo propio d'a Unibersidá de Zaragoza.
A segunda fase de preinscrizión se remata o día
24 de setiembre. Dimpués de feita a
preinscrizión, bi ha tiempo ta matricular-se dica o 5 d'otubre.
As clases comenzipian o día 2 d'otubre, martes, e se fan os martes, miércols e chuebes de 18:00 a 21:00 oras. En o plan d'estudios bi ha diez asinaturas (una d'as cualas ye o Practicum), que se cursan dende otubre de 2012 dica mayo de 2013 en a Facultad de Ciencias Humanas y de la Educación (Campus de Huesca).
Se puede trobar má informazión en a pachina web d'ista Facultá:
http://magister.unizar.es/fchehuesca/

Fuente: Consello d´a Fabla