martes, 15 de enero de 2013

Aragonés (de Chusé Bielsa)

Poemas por e para l´aragonés d´o poeta d´o Baxo Aragón CHuan Chusé Bielsa Podez leyer-lo en http://artebielsa.blogspot.com.es/ Un fortal saludo para os fabladors d´a Tierra Baxa. Aragonés Ista ye a lengua que aimo. No importa guaire si beluns dizen qu'está morindo; ye eterno l'amor mío. A o canto d'a belleza suya sin de buegas, en iste lusco de purpuras, la cusiro. Iste ye a lengua que aimo, a mía lengua. A traviés d'os suyos labios os míos suenios fablan, vuelan. Y voi por os camins d'a mía tierra besando con parolas cada piedra, amorosiando zielos aquí abaxo cuan tot lo veigo acubillato por l'amor d'a mía lengua. Ista ye a lengua que aimo. O corazón mío ye en silenzio cuan l'aire a la tardada va rezando con as vozes suyas a un sol que va marchando. Ta ir replegando l'oro eterno que Dios ha sembrato por os campos cosa millor que a lengua que aimo, y ta puyar entalto cuan ya tot aiga rematato, cosa millor que ir recordando parolas d'amors de toz os que nos quison, cuan ya tot se fable aimando. Chuan Chusé Bielsa

No hay comentarios:

Publicar un comentario