Ambistas

Un documental sobre el aragonés, su circunstancia, su pervivencia (¡qué tema!). Lleva la firma de Coleutibo O Trango y la realización de Bonapassa Cinema & Audiovisual Consulting.

Presentación en Zaragoza: Jueves, 20 de febrero, 19:00 h.
Institución Fernando el Católico (DPZ)
Acceso por C / 5 de Marzo

http://www.youtube.com/watch?v=_TdSci3h7LY

Colaborazións en Fuellas

http://www.consello.org/fuellas.htm

Dende o lumero 216-217 soi escribindo en Fuellas o mío poemario "Camín de Ninón" trestallau en barias partis.

En o zaguer lumero de l´añada 2013 prenzipió con os primers siete poemas.

Cada poema ye una semana d´embarazo d´a mía muller, cuan teniemos o mío fillo, Manuel.

Aspero que tos cuaque.

También se´n publicarán nuebos fotopoemas de "La Europa del Aborigen" en bels lumeros.

Salú e contento de fer literatura en aragonés. Fendo camín, anque o camín remate, nusatros continamos...

Día d´a lengua materna -Bideo-

Colaborazión en a Rebista Belga MIC ROMANIA

Asabela a ilusión que me ha feito escribir en ista rebista Belga que replega testos d´as luengas romanicas minorizadas.

O mío poema "Ayere e pasau maitín" en micRomania lumero 87

Día d´a lengua materna

DÍA DE LA LENGUA MATERNA 2014

Entidades culturales programan actividades en torno a este día instituido por la Unesco para promover la diversidad lingüística

La agenda de actividades se extenderá entre el 27 de enero y el 28 de febrero en varias localidades aragonesas, y se inicia la próxima semana en Huesca y Barbastro.

 El próximo 21 de febrero, instituido por la UNESCO, se celebra el Día de la Lengua Materna.

Con tal motivo diferentes entidades de todo el territorio han preparado un completo programa de actividades que van a tratar de poner de manifiesto ante la sociedad aragonesa la importancia de proteger y fomentar la lengua aragonesa, especialmente en la escuela, para transmitirla a los más pequeños y evitar así la quiebra de la transmisión generacional.

Los actos se desarrollarán en diferentes localidades (Huesca, Zaragoza, Jaca, Sabiñánigo, Biscarrués, Aínsa, Barbastro, Utebo, Cuarte, Villanova, Castejón de Sos, Sandiniés, Benasque, Sahún, Cerler, Laspaúles...) desde el próximo día 27 de enero hasta el 28 de febrero, y de ellos iremos dando cuenta durante las próximas semanas.

El lunes próximo, día 27 de enero a las 18 horas, tendrá lugar en el Teatro Salesianos de Huescala representación de la obra de teatro As siete cabretas e o lupo, por el Grupo "Ta ninos", y el sábado 1 de febrero, en Barbastro, tendrá lugar la Trobada de Fablans "Chusé Noguero" con diversas actividades a lo largo de todo el día en la capital del Somontano.

El Día de la Lengua materna está apoyado en nuestra comunidad autónoma por UNESCO-Aragón y en él participan, hasta la fecha las siguientes entidades:

Rolde de Estudios Aragoneses, Sociedad Cultural Aladrada, Asoziazión Cultural O Trango, Asoziazión Cultural Bente d’Abiento, Unibersidat, Clica Cinca-Cinqueta, Gara d’Edizions, Asociación de Mujeres Donisas Benasque, SEIRA, Colegio Escolapios Zaragoza, IES Pedro de Luna Zaragoza, Colegio Montecanal Zaragoza, Colegio Salesianos Huesca, Instituto de Estudios Altoaragoneses, Consello d’a Fabla Aragonesa, Boira Fablans de Zinco Billas, Rolde O Caxico Sabiñánigo, Asociación Cultural Q-Arte, Asoziazión de Nabateros d’a Galliguera, Purnas Semontano, Casa de Juventud Universidad-Ayuntamiento de Zaragoza.

Parando cuenta

"Parando cuenta d´as tuyas penas,
me se da que a yo
que tantismo espiritu amagaba
de cuan en bez...

O cuan tu l´asperabas e dezibas:
- cuan yo me´n remere, talmén seré dillá an do se mincha l´ambre-

Parando cuenta
escribiba rengleras malfaineras
malmeteba la mía literatura
por no tener quefer.."

V.Guiu

Sobrepuerto (de Diego Colás)

O diya s’ha minchau a nueit,

as boiras espurnian n’os verdes praus

con a suya humedat estrelada

e os cuerzos plegan de rematar

o suyos suenios.

O país d’os chigáns

que estió naixiu en l’amanixer d’os lupos

escomencipia a estiraziar-se amónico.

Os chigáns que vivioron asti,

que luitoron asti muito antis

de que os trangos de yo

quedaran graument espullaus d’almiración

en o bardo megalitico

en enrestir ista puyada.

Os que devantoron tot un país

de cantal, fusta e fierro

con a sudor suya

e as suyas manos vuedas:

ixera que no puet

ni sisquiera amortar

iste maldau silencio inendurable

(De Diego Colás Elvira)

Mos n´imos una temporadica

Pues ixo.

Que mos n´imos una temporadeta.

Asperamos que no siga guaire luenga.

Salú a toz y entalto l´aragonés...

TU (de Anchel Conte)

TU 


en o chicot territorio d’o tuyo nombre
augua mansa de plevia que tringla en a nuet me pierdo en a selva d’as tuya voces
en l’amplo oceano d’a tuya bafada
naufrago en praus de posidonias entre estrelas e carrachinas te busco en naxere l’alba
en o profundo pozo d’a tuya boca
fontanal d’arenas doradas sobre as que floreix a parola tuya te amagas feito sompra
tresbatiu sinse guía borrada en a nieu a traña
me miro lo mar d’a tuya ausencia espiello de mil caras ta mantener viva l’asperanza

Os farols de Kiev

(Relato finalista en el Premio de Relatos Cortos para leer en tres minutos "Luis del Val" -sección aragonés-)

OS FAROLS DE KIEV (Victor Guíu)

En ixe bico de Kiev as fainas yeran más a más refitoleras dende que saliba o sol de plana per l´orizón. Anque bien pensato, an yera l´orizón de Kiev?.

Cuentan que de cuan en bez as rayadetas d´os farols prebocaban luengos insonnios a uno d´os caziques u mafiosos d´o bico. Qué podeba fer Dimitri -asinas se deziba, anque se podeba clamar Ivan, u Sergei. Bueno, dixemos-lo-ne en Dimitri, si tos agana-. Pos ixo, que qué podeba fer Dimitri cuentra ixas rayadetas d´os farols? Estando an yera talmén yera prou tirau de fer pacha con cualsiquier lucero, u con un politico d´o Concello, d´ixos que tantas begatas mos pintan d´allí os partes d´a telebisión d´aquí. Anque beyiu lo beyiu, cómo mos pintarán a nusatros as teles de Kiev?

Deziba pos que, podindo fer-lo d´a traza fura ta que fer-lo d´atra.

Dimitri siñaló a ro suyo bezín. O suyo nombre no importa guaire. Li podez dezir Vladimir, u quemesió. Total que asinas somos. Dimitri que no s´aduerme e o suyo bezín siñalato ta fer a faina nueba, l´agane u no l´agane, profés. O bezín Vladimir teneba per faina desenchegar os farols d´una mena prou sengular: salir totas as nueis d´agüerro e ibierno a fer ronda per a redolada d´as casas de Dimitri e rematar d´un disparo (per dezir-lo-ne asinas) as luzes d´os farols.

Dimitri que saliba de nueis e o luzero d´o bico que saliba de maitíns ta meter as bombillas d´os farols. Tot yera emprenzipiar como ro suenio d´a marmota.

En istas que bel día Dimitri, quemoso e dolén, no puede fer a suya ronda. A la fin cayó malo, malo. Que fer? Tanimientres li feba mal tot ro cuerpo, d´os calcaños a ra fren no poderba fer as fainas. E si no i salise? Millor no contrimuestrar-lo. Soluzión: o suyo fillo (Demyan li deziremos) anque amagatons per a medrana e sin de guaire ganas. Pos ixo, que no li queda atra a Demyan que fer ronda.

Á o zagal, que yera prou tizonero e cazataire de luzes e guambras, parixe que li cuacó luego ixo de meter man a ixos farols que feban tirria á o suyo proteutor (u ixo creyeba). China chana pilló querenzia a ra faina: “desenchegafarols”. Belunos días feba pacha con os basuraires e feba un fumarro. Atros diyas gosaba fer un traguet a garganchón ubierto con os capinos fixos d´as esquinas d´o edifizio.

Anque no sapeba guaire bien per qué li rispetaban li´n podeba prexinar. A sombra de Dimitri yera més luenga d´o que parixeba. Cómo si no ixas charradetas con os chobens de coches esportibos e cadeneta d´oro? U ixas morisquetas con as putas que tanto goyo li feban a ixe zagal que estió mayor d´una semana á l´atra. En ixas poquetas nueis se i sentiba un “mayoral” de pelicula. Fortal e impliu d´enerxía. O rei d´a carrera, d´os sonius e d´as chens d´o fosco amanexer.

…..

Totas as nueis o mesmo. Si a lo menos su pai no fuese estato malo tantismo tiempo…  Tot s´achunta ta fer d´un fillo normalizio e apocadizio un fillo sin de medrana a ra nuei, a ros tiempos furos que lis ne minchaban dende os suyos adentros. Ya no estarba pas ixe chiquet feble, mái. Ixo rai. Estarba a suya luz, a luz que soque que amagata medrana sentiba d´el. Sin él garra cosa feba serbir a l´orache onirico d´as barucas de Dimitri. E os suenios buesos e de toz. E de dengún.

O costumbre fazió que solo que unas semanas dimpués d´ixa estrania traza de desenchegar farols, nuei tras de nuei, as sombras dixapareziesen a monico. Os reflexos d´os endibiduos que per allí petecaban con os güellos cayius s´en yeran iu. As sombras d´as putas; d´os capinos indichens; d´os chobens con os suyos autos de luxo; d´as basuras; d´os fuellaxes d´agüerro n´a solera d´as carreras. Tot, trango a trango, d´un día á l´atro. No bi aberba denguna pistola que podiese apañar-lo?

…

Cualsiquier d´ixas nueis Demyan i tornó ra capeza ta beyer qui yera una boz alticamata á guita suya. Allora se i trobó con o suyo presén esbenidero. Un segundo ta segundiar una bida, aquera, a suya guambra, que solo que una begata bebió per zaguer inte d´as suyas esistenzias…